ဖြည်းဖြည်းလာပါ အိုဇရာ (သို့) အိုမင်းလာမှုကို နှေးကွေးစေမည့် အဓိက နည်းလမ်းများ

အချိန်ကြာလာတာနဲ့အမျှ လူသားတိုင်း မလွဲမသွေ ရင်ဆိုင်ရမှာ ဖြစ်တဲ့ အိုမင်းခြင်းကို သဘာဝထက် နှေးကွေးအောင် တားဆီးဖို့ အကောင်းဆုံး၊ အဓိက အကျဆုံးနဲ့ အရိုးရှင်းဆုံး အလွယ်ကူဆုံး နည်းလမ်းတွေကို အမေရိကန် ကျန်းမာရေး သုတေသီများက ထုတ်ဖော်ပြောကြား ခဲ့ပါတယ်။


ဒီတွေ့ရှိချက်တွေဟာ ကမ္ဘာတစ်လွှားက လူပေါင်းများစွာရဲ့ အိုမင်းလာမှု အနေအထားနဲ့ ၄င်းတို့ရဲ့ စိတ်နေစိတ်ထား၊ စားသောက်နေထိုင်ပုံတွေကို နှိုင်းယှဉ်ကာ လေ့လာခဲ့တဲ့ လေ့လာချက်များရဲ့ ရလဒ်များ ဖြစ်ပါတယ်။


အောက်ဖော်ပြပါ နည်းလမ်းများအတိုင်း လိုက်နာကျင့်သုံး နေထိုင် သွားမယ် ဆိုရင် သင်အရွယ်ရောက်ပြီး သိပ်မကြာခင် ကတည်းက စသတိထားမိလာခဲ့တဲ့ သင့်ခန္ဓာကိုယ်က အိုမင်းဆုတ်ယုတ်လာမှုကို အလွန်နှေးကွေးစေမှာ ဖြစ်သလို နှလုံးနှင့် သွေးကြောဆိုင်ရာ ရောဂါများ၊ ကင်ဆာရောဂါများ နဲ့ ဆီးချိုရောဂါ တို့ကိုပါ ကာကွယ်တားဆီး နိုင်မယ်လို့ ကျန်းမာရေးပညာရှင်များက ပြောဆိုပါတယ်။ ဒီနည်းလမ်းတွေကတော့ ................


(၁) Free Radicals ခေါ် ဓာတ်တိုးပစ္စည်းများ ကြွယ်ဝသော အစားအသောက်များကို ရှောင်ကြဉ်ခြင်း
Free Radicals တွေ ဆိုတာ ဓာတုနည်းအားဖြင့် မတည်မြဲနိုင်တဲ့ ဒြပ်ပေါင်းတွေ ဖြစ်ပြီး ဒီပစ္စည်းတွေဟာ သင့်ခန္ဓာကိုယ်က ဆဲလ်တွေကို အိုမင်းအောင် တိုက်ခိုက်ပြီး မျိုးရိုးဗီဇအမျှင် DNA ကိုပါ ပျက်စီးစေပါတယ်။ ဒါတွေကို တစ်နည်းအားဖြင့် ဓာတ်တိုးပစ္စည်း (Oxidants) များလို့ ခေါ်ပါတယ်။


ပုံမှန် နေ့စဉ် စားသောက်နေတဲ့ အထဲမှာ ဒီလို ဒြပ်ပေါင်းတွေ အနည်းငယ် ပါဝင်ပေမယ့် ကျွန်တော်တို့ရဲ့ ခန္ဓာကိုယ်ထဲက ဓာတ်တိုးဆန့်ကျင်ပစ္စည်း (Antioxidants) တွေ ဒီပမာဏ လောက်တော့ ချေဖျက်ပေးနိုင်လို့ ကြီးကြီးမားမား ပြဿနာ မရှိပါဘူး။ ဒါပေမယ့် ဓာတ်တိုးပစ္စည်းတွေ အများကြီး ပါတဲ့ အစားအသောက်တွေ နေ့စဉ်စားရင်တော့ ဓာတ်တိုးဆန့်ကျင်ပစ္စည်းတွေလည်း ဘယ်လိုမှ မနိုင်တော့ဘဲ သင်ဟာ သူများထက် အိုမင်းမှု မြန်လာမှာ ဖြစ်လို့ တတ်နိုင်သမျှ ရှောင်ကြဉ် သင့်ပါတယ်။


ဓာတ်တိုးပစ္စည်းတွေ ကြွယ်ဝပြီး နေ့စဉ်ထိတွေ့ သုံးဆောင်ရင် သင့်ခန္ဓာကိုယ်က ဆဲလ်တွေကို အိုမင်းစေမယ့် အရာတွေ ကတော့ ဆေးလိပ်၊ အသားကင်၊ အရက်၊ မိုက်ကရိုဝေ့ဖ် မိုးဖိုနဲ့ ချက်ထားတဲ့ အစားအသောက်တွေ၊ လျှပ်စစ်စက်ကွင်းနဲ့ ဓာတ်ရောင်ခြည် သင့်ခြင်း၊ နေလောင်ခြင်း စတာတွေ ဖြစ်ပြီး အိုမင်းမှုနဲ့ သူ့ရဲ့ အကျိုးဆက်တွေ ဖြစ်တဲ့ ကာယအား၊ ဥာဏအား ကျဆင်းခြင်း၊ ရုပ်ဆင်းထိခိုက်ခြင်း စတာတွေကို မြန်မြန် မခံစားရချင်ရင်တော့ ဒီအရာတွေကို တတ်နိုင်သမျှ ရှောင်ကြဉ်ရမှာ ဖြစ်ပါတယ်။


ဇရာကို နှေးကွေးစေမယ့် ဓာတ်တိုးဆန့်ကျင် ပစ္စည်းတွေ ပါဝင်တဲ့ အစားအသောက်တွေကတော့ ပန်းသီး၊ လိမ္မော်သီး၊ စပျစ်သီး၊ ပန်းဂေါ်ဖီစိမ်း စတဲ့ အစိမ်းရင့်ရောင်၊ အနီရောင်၊ အ၀ါရောင် ရှိတဲ့ အသီးအနှံ မှန်သမျှ ဖြစ်ပါတယ်။





ဒါပေမယ့်လည်း အဲလို အသီးအနှံတွေ အများစုက ဓာတု ဓာတ်မြေသြဇာ နဲ့ ပိုးသတ်ဆေးတွေ ပက်ဖျန်း စိုက်ပျိုး ထားတာမို့ ယနေ့ခေတ်မှာ ဓာတ်တိုးဆန့်ကျင် အာနိသင် လိုချင်လို့ အသီးအနှံ စားရင်တောင် ဓာတ်တိုးပစ္စည်းတွေ ပြန်စားရသလို ခန္ဓာကိုယ် အိုမင်းမှုကို အားပေးရာ ရောက်သလို ဖြစ်နေပါတယ်။


ဒါကြောင့် အသီးအနှံ ဟင်းသီးဟင်းရွက်တွေ စားသုံးရင် ရေနဲ့ အထပ်ထပ် ဆေးကြောပေးရပါမယ်။ အကောင်းဆုံး နည်းလမ်းကတော့ အော်ဂဲနစ် သီးနှံတွေ ၀ယ်စားတာပဲ ဖြစ်ပါတယ်။


(၂) တတ်နိုင်သမျှ ရောင်ယမ်းခြင်း မဖြစ်အောင် နေခြင်း
သင့်ခန္ဓာကိုယ်မှာ ဖြစ်သမျှသော ရောင်ယမ်းမှုတွေဟာ သင့်ကို အိုမင်းစေတယ်လို့ ယူဆရပါမယ်။ ရောင်ယမ်းခြင်းလို့ ဆိုရာမှာ မြင်သာတဲ့ ရောင်ယမ်းမှုမျိုး သာမက ကင်ဆာ နဲ့ ဆီးချို ရောဂါတို့ဟာ ကိုယ်အတွင်း ကြီးမားသော ရောင်ယမ်းခြင်းတွေ ဖြစ်တဲ့ အတွက် ဒီရောဂါတွေ မရှိအောင် ဆင်ခြင်နေထိုင်သင့်ပါတယ်။ ဒီရောဂါတွေ ရှိရင် အရွယ်ကျတာ သင့်မျက်မြင်ပါပဲ။


ဒီတော့ ဒီလို ရောင်ယမ်းခြင်း တစ်ခုခု သင့်ကိုယ်မှာ ရှိနေပြီ ဆိုရင် ရောင်ယမ်းခြင်းကို ကျဆင်းစေမယ့် နနွင်း၊ ချောကလက်အညို၊ စတဲ့ အစားအသောက်တွေကို နေ့စဉ် စားပေးသင့်ပါတယ်။


မြေထဲပင်လယ်ဒေသရဲ့ အစားအသောက် ပုံစံ (Mediterranean-style diet) ကလည်း ရောင်ယမ်းမှုကို အထူးသက်သာစေကြောင်း သုတေသနပြု တွေ့ရှိထားရပါတယ်။ တခြားတော့ မဟုတ်ပါဘူး။ သံလွင်ဆီကို အဓိက သုံးစွဲ ချက်ပြုတ်ပြီး ငါး၊ လတ်ဆတ်တဲ့ အသီးအရွက်၊ ကြက်သား၊ ပင်လယ်စာ စတာတွေ ပါဝင်တဲ့ ဟင်းလျာများပဲ ဖြစ်ပါတယ်။



မြေထဲပင်လယ်ဒေသရဲ့ အစားအသောက် ပုံစံ (Mediterranean-style diet)  ရဲ့ အဓိက ပါဝင်ပစ္စည်းတွေ ဖြစ်ပါတယ်


အကောင်းဆုံး အရောင်ကျစေတဲ့ နည်းတစ်ခုကတော့ ကိုယ်လက်လှုပ်ရှားမှု လေ့ကျင့်ခန်း လုပ်ခြင်း ဖြစ်ပြီး ဒါဟာ စိတ်ပျို ကိုယ်နုစေတဲ့ နည်းလမ်းတစ်ခုလည်း ဖြစ်ပါတယ်။ လွန်ကဲပြင်းထန်စွာ ကိုယ်လက်လှုပ်ရှားမှု လုပ်ရင်လဲ free radical တွေ အရမ်းထွက်စေပြီး အိုမင်းခြင်းကို အားပေးတာ သတိချပ်သင့်ပါတယ်။


(၃) အစားအသောက်များကို သကြားပေါင်းခြင်း (Glycation) မဖြစ်အောင် ချက်ပြုတ်စားခြင်း
သကြားပေါင်းခြင်း (Glycation) ဆိုတဲ့ ဝေါဟာရဟာ သကြားဓာတ် မော်လီကျူးတွေက အသားဓာတ်နဲ့ အဆီဓာတ်ကို သွားပေါင်းပြီး မော်လီကျူး အသစ်တွေ ဖြစ်ပေါ်လာတဲ့ ဖြစ်စဉ်ကို ကိုယ်စားပြုပါတယ်။ Advanced Glycation Endproducts လို့ ခေါ်တဲ့ AGEs ဆိုတဲ့ ဒြပ်ပေါင်းတွေဟာ ခန္ဓာကိုယ် တစ်ခုလုံးမှာ ရှိတဲ့ ဆဲလ်တွေရဲ့ အိုမင်းမှုကို အဆမတန် မြန်စေတဲ့ အာနိသင် ရှိကြောင်း မကြာသေးမီကမှ တွေ့ရှိထားရပါတယ်။


အပူပြင်းပြင်းနဲ့ ချက်ရင် ဒီဒြပ်ပေါင်းတွေ အရမ်းဖြစ်လွယ်တဲ့အတွက် မီးပြင်းပြင်းနဲ့ ချက်ပြုတ်ခြင်းကို တတ်နိုင်သမျှ လျှော့ချသင့်ပါတယ်။ အဆီများများ၊ အချိုဓာတ်များများ၊ ကစီဓာတ်များများ ပါဝင်ပြီး မီးပြင်းပြင်းနဲ့ ချက်တဲ့ အစားအသောက်တွေ အားလုံးမှာ AGEs တွေ မြင့်မားစွာ ပါဝင်နေပြီး ဒါမျိုးတွေကိုမှ အရသာတွေ့ကာ နေ့စဉ်စားသုံးရင် သူများတွေထက် အိုမင်းမှု သိသိသာသာ ပိုမြန်စေတာ သိပ္ပံနည်းကျ လေ့လာ တွေ့ရှိရပါတယ်။ ငယ်ရွယ်သူတွေဟာ မသိသာသေးပေမယ့် အသက်ကလေး ရလာတာနဲ့အမျှ စုခံရမှာ ဖြစ်ပါတယ်။ အချိုလျှော့စားတာလည်း အိုမင်းမှုကို နှေးကွေးစေပါတယ်။


(၄) ရေရှည် စိတ်ဖိစီးမှု မဖြစ်အောင် နေထိုင်ခြင်း
စိတ်ဖိစီးမှုဟာ နာတာရှည် ဖြစ်လာတာနဲ့ အမျှ နှလုံးခုန်နှုန်းနဲ့ သွေးပေါင်ချိန်ကို မြင့်တက်စေတဲ့ ဟော်မုန်းမျိုးစုံ ခန္ဓာကိုယ်မှာ ထွက်အောင် အစပျိုး ဖန်တီးပါတယ်။ ဒီဟော်မုန်းတွေရဲ့ သက်ရောက်မှုကို လျှော့ချဖို့ ကော်တီဇော (Cortisol) လို့ခေါ်တဲ့ စတီးရွိုက်ဟော်မုန်း တစ်မျိုးကို သင့်ခန္ဓာကိုယ်က တန်ပြန်ပြီး ထပ်ထုတ်ပါတယ်။ ဒီဟော်မုန်းဟာ Stress Hormone လို့ လူသိများပြီး ခဏခဏ မြင့်မားစွာ ထွက်နေမယ် ဆိုရင် အရွယ်မတိုင်ခင် အိုမင်းစေပါတယ်။





ဒါကြောင့် သောကတွေ အားလုံး ခေါင်းထဲ စုထည့်ထားပြီး အချိန်ပြည့် ခံစားနေတတ်တဲ့ အကျင့် ရှိနေရင် ပြင်သင့်ပါတယ်။ ဖြေရှင်းရမယ့် အချိန်မှာ သေချာ စဉ်းစားဖြေရှင်းရင်း ပေါ့ပေါ့ပါးပါး ဖြတ်သန်းတာက အကောင်းဆုံး နည်းလမ်း ဖြစ်ပါတယ်။ တရားရှုမှတ်ခြင်း၊ သမထ ထိုင်ခြင်း စတာတွေဟာ စိတ်ဖိစီးမှုကို သိသာစွာ သက်သာစေပြီး ငြိမ့်ညောင်းတဲ့ ဂီတနားထောင်ခြင်း၊ အပန်းဖြေခရီးထွက်ခြင်း၊ မိတ်ဆွေများနဲ့ ရောက်တတ်ရာရာ စကားပြောခြင်း စတာတွေကလည်း အရွယ်တင်နုပျိုခြင်းကို သွယ်ဝိုက် အကျိုးပြုတဲ့ နည်းလမ်းကောင်းများ ပါပဲ။

Probe by : ဒေါက်တာသီဟသစ်Last Updated at 2010-09-21 on 07:08:58