မိမိဆန္ဒကိုထုတ်ဖော်နိုင်ခြင်း (Assert Yourself by Guy Perring)

မိမိဆန္ဒထုတ်ဖော်ခြင်းဆိုတာကတော့ မိမိကိုယ်ကို လေးစားခြင်းနှင့် ဆက်စပ်မှု ရှိပါတယ်။ ဆက်သွယ်ပြောဆိုရာမှာ အရေးပါတဲ့ ကျွမ်းကျင်မှုတစ်ခု ဖြစ်ပါတယ်။ မိမိဆန္ဒထုတ်ဖော်တယ်ဆိုတာ စိတ်ထဲရှိတာကို ထုတ်ပြောဖို့ မကြောက်ရဘူး၊ အခြားသူတွေအပေါ် သြဇာသက်ရောက်နိုင်ဖို့ ကြိုးစားတာလည်း မဟုတ်ဘူး။ သူ့စည်းကိုယ့်စည်း ဘောင်မကျော်စေဘဲ ဆက်သွယ်ပြောဆိုတာသာလျှင် ဖြစ်တယ်။

မိမိဆန္ဒကိုထုတ်ဖော်ပြောကြားရာမှာ ထင်ရှားတဲ့နည်းလမ်း ၃ခု ရှိပါတယ်။ ပထမနည်းလမ်းကတော့ အကျိုးပြုနိုင်တဲ့ ကြိုတင်ပြင်ဆင်မှုလို့ ဆိုမယ်ဆိုရင် ဆိုနိုင်တယ်။

၁။ အစစ်အမှန်ချီးမွမ်းခြင်း

အခြားသူတွေကို အပြုသဘောမှတ်ချက်ပေးတာဟာ အကောင်းဆုံး လက်ဆောင်တစ်မျိုးပါဘဲ။ အခြားသူတွေကို အစစ်အမှန်ချီးမွမ်းမယ်ဆိုရင် သူတို့ကိုယ်သူတို့ ကျေနပ်သွားစေနိုင်ပါတယ်။ လွန်ခဲ့တဲ့ရက်သတ္တ ၂ ပတ်လောက်တုန်းက အကူအညီပေးခဲ့သူကို အခုထက်ထိ ကျေးဇူးတင်ကြောင်း မပြောရသေးရင်လည်း နောက်မကျသေးပါဘူး၊ ကျေးဇူးတင်ကြောင်း ပြောနိုင်ပါတယ်။

ဒေးလ်ကာနက်ဂျီ ရေးသားခဲ့တဲ့ How to Win Friends and Influence People (မိတ္တဗလဋီကာ) စာအုပ်က သက်တမ်းအားဖြင့် ကြာခဲ့ပြီဖြစ်ပေမယ့် အခုထိ သက်ဆိုင်အကျုံးဝင်မှုရှိပါသေးတယ်။ စစ်မှန်တဲ့ ချီးမွမ်းမှု ဖြစ်ဖို့ အဓိကအရေးပါတဲ့ အပိုင်းကဏ္ဍအချို့ကို အကျဉ်းဖော်ပြထားပါတယ်။

၁။ တစ်ဖက်သားကို အရေးကြီးတယ်လို့ စိတ်ခံစားမှုရှိအောင် လုပ်ပေးပါ။
၂။ ပိုပြီးတော့ ကြီးမားတဲ့ စီမံချက်ကြီးကို အစိတ်အပိုင်းခွဲပြီးအတွက် လုပ်ပိုင်ခွင့်ပေးပါ။ လုပ်ဆောင်ချက်က ဘယ်လို အထောက်အကူပြုမယ်ဆိုတာ နားလည်အောင် ဆောင်ရွက်ပေးပါ။ လုပ်ငန်းတစ်ခုလုံး အောင်မြင်မှုရဖို့ ပိုပြီး အလေးအနက်ထား လုပ်ဆောင်လာကြလိမ့်မယ်။
၃။ လှိုက်လှိုက်လှဲလှဲပြောပါ။ မြှောက်ပင့်ပြောတာမျိုးကိုရှောင်ရှားပါ။
၎။ ဖြစ်နိုင်တဲ့နေရာတိုင်း နာမည်ခေါ်ပြီးတော့ အသုံးပြုပါ။ လူတွေက သူတို့နာမည် ကြားရတာကို သဘောကျကြပါတယ်။ လူတစ်ယောက် အကြိုက်ဆုံးစကားလုံးကတော့ သူ့နာမည်ပါဘဲ။
၅။ လူတစ်ယောက်ရဲ့နာမည်နဲ့ ကိုယ်ရေးကိုယ်တာသေးစိတ်အချက်တစ်ချို့ကို မှတ်မိအောင်ကြိုးစားပါ။
၆။ ပြုံးပါ။

၂။ ငြိစရာ ဆူးမရှိအောင်ပြုလုပ်ခြင်း

တစ်ခါတစ်ခါမှာ လူတွေကို ဆက်ဆံပုံနည်းလမ်း အားနည်းချက်ကြောင့် ရန်သူလို တုံ့ပြန်မှုတွေ ဖြစ်တတ်ပါတယ်။ ကိုယ့်ဘက်က မသင့်တော်တာ ပြုလုပ်မိလို့ ဆက်ဆံရ ခက်သူတွေ ဖြစ်သွားတတ်ပါတယ်။ ဥပမာ ဖုန်းဆက်တဲ့အခါမှာ မလိုအပ်ဘဲ စောင့်ခိုင်းထားတာမျိုး၊ ပုံမှန် ဖောက်သည်တွေရဲ့ နာမည်တွေကို မေ့နေတာမျိုး၊ အီးမေးလ် ပို့တဲ့အခါ မပြန်တာမျိုး၊ “ကျေးဇူးတင်ပါတယ်” လို့ မပြောမိဘဲ မေ့နေတာမျိုး တွေ ဖြစ်ပါတယ်။

ရိုင်းစိုင်းတဲ့အပြုအမူတွေကို အခြားသူတွေက ကိုယ့်ကို ပြုမူလာမယ်ဆိုရင် ဘယ်လိုတုံ့ပြန်မလဲ။ အဲဒီအကြောင်းတွေကိုပဲ စိတ်ထဲမှာမှတ်ထားပြီးတော့ တွေ့တဲ့လူတွေကို လျှောက်ပြောပြမလား။ ဒါမှမဟုတ်ရင် မေ့ပစ်လိုက်မလား။ တခြားသူက မိမိထံကို ပစ်ပေးလိုက်တဲ့ စိတ်ဆိုးစရာတွေကို လက်ခံထားလို့လည်းရတယ်။ စွန့်ပစ်လိုက်လို့လည်းရတယ်။ ကိုယ်တိုင်ရွေးချယ်မှုဖြစ်ပါတယ်။

အခြားသူကြောင့် ဆူးစူးတယ်ဆိုရင် အဲဒီဆူးကို ကိုယ်တိုင် နုတ်ပစ်လိုက်လို့ ရရက်သားနဲ့ ဆူးစူးအောင် လုပ်တဲ့သူ ပြန်လာနုတ်ပေးလို့ အော်ပြောနေမှာလား။
-ရှေးတရုတ်စကားပုံ

၃။ တစ်ဖက်သား စိတ်မချမ်းသာအောင် ပြောတတ်သူများနဲ့ ဆက်ဆံခြင်း

အချို့လူတွေက သာသာနဲ့ နာနာနှက်ဆိုသလို ချီးမွမ်းတဲ့အခါမှာ မကောင်းတာ တစ်ခုနဲ့ ဆက်တွဲပြီးတော့ နှိပ်ကွပ်ပြောတတ်တယ်။ ဥပမာ “You’re actually smarter than you look”, “ရုပ်ကြည့်တော့ ထက်မြက်မယ် မထင်ရပေမယ့် တစ်ကယ်တော့ ဉာဏ်ရှိပါတယ်” လို့ ပြောတာမျိုးဖြစ်ပါတယ်။ ဒါမှမဟုတ် တမင်ထိခိုက်အောင် ပြောတာမျိုးလည်းဖြစ်ပါတယ်။ ဥပမာ “You’re not very good at this type of thing, are you?”, “ဒီအလုပ်မျိုး သိပ်မလုပ်တတ်ရှာဘူးနော်” လို့ပြောတာမျိုးပါ။

အဲဒီလိုမျိုး တစ်ဖက်သားကို ကလိတတ်တဲ့ လူတွေနဲ့ စကားပြောတဲ့အခါမှာ စိတ်ခံစားမှုကို ငြိမ်အောင် ထိန်းထားနိုင်ဖို့လိုအပ်ပါတယ်။ ဒီနည်းလမ်းကို အသုံးပြုပြီး ထိန်းထားပါ။

၁။ နှိပ်ကွပ်ပြီးတော့ပြောတာကို ကြားရပြီးတဲ့နောက်မှာ အခြေအနေကို နားလည်ပုံကို ဆင်ခြင်သုံးသပ် ပြောကြားပါ။
၂။ အခြေအနေကို ဝန်ခံပြောကြားပါ။
၃။ မိမိအမြင်ကို ထုတ်ပြောပါ။
၎။ ဖွင့်ပြီးမေးတဲ့မေးခွန်းကို မေးပါ။  အခြားရွေးချယ်နိုင်တဲ့နည်းလမ်းကို ကမ်းလှမ်းပါ။

ဥပမာ

ဝယ်ယူသူ - You’re not very good at doing this, are you? Looks like you haven’t been in the job long. (အလုပ်လုပ်တာ မကျွမ်းကျင်ဘူးနော်။ အလုပ်ဝင်တာ မကြာသေးဘူးလား။)
သင် -    (1) You think I don’t know what I’m doing?  (၁) (ဒီအလုပ်ကို မလုပ်တတ်ဘူးထင်လို့လား။)
ဝယ်ယူသူ - သြော် ကြာနေလို့ပြောတာပါ။ အလုပ်က လွယ်လွယ်လေးကို အကြာကြီး လုပ်နေလို့။
သင် -    (2) I can understand why you say that, Mr Lee – it does seem like a long time for a routine banking transaction. (3) We have tight procedures that we all need to follow to ensure the safety of our customers’ financial details. It will take me another 5 minutes to complete this. (4) Would you like to wait here or would you prefer to phone me later to know the result?
(၂) အခုလို ပြောရတဲ့အကြောင်းကို နားလည်ပါတယ်။ သာမန်ဘဏ်လုပ်ငန်းကလေးကို မကြာသင့်ဘဲ ကြာနေတယ်လို့ ထင်စရာပါဘဲ။ (၃) ဘဏ် ဖောက်သည်တွေရဲ့ ငွေကြေး အချက်အလက် အသေးစိတ်တွေ လုံခြုံအောင် လုပ်ထုံးလုပ်နည်းတွေ အတိအကျ လိုက်လုပ်ရလို့ပါ။ နောက်ငါးမိနစ် ဆိုရင် ပြီးပါပြီ။ (၄) ဒီမှာပဲ စောင့်နေမလား။ ဒါမှမဟုတ်နောက်မှ ဖုန်းပြန်ဆက်မလား။
ဝယ်ယူသူ -  No, if it’s only going to be another 5 minutes I might as well wait. (ငါးမိနစ်ပဲဆိုရင်တော့ စောင့်လိုက်ပါ့မယ်။)


အထက်ပါ ဆောင်းပါးအားကူးယူ၍ အခြား website နှင့် blog များတွင် တင်မည်ဆိုပါက www.myanmar-network.net/forum/topics/assert-yourself-by-guy မှကူးယူကြောင်း ထည့်သွင်းဖော်ပြပေးပါရန်။

Read more: မိမိဆန္ဒကိုထုတ်ဖော်နိုင်ခြင်း (Assert Yourself by Guy Perring) - Myanmar Network http://www.myanmar-network.net/forum/topic/show?id=3423487%3ATopic%3A261825&xgs=1&xg_source=msg_share_topic#ixzz1RPaIChG6