အင်္ဂါဂြိုဟ်သားနှင့် ကဗျာဆရာ စကားပြောခြင်း

(A)
မေး။ ။ ဒါဟာ ဘာလဲ။
ဖြေ။ ။ အဲဒါဟာ ပန်းလေးတစ်ပွင့်ပါ။
မေး။ ။ သူ့မှာ ဘာရည်ရွယ်ချက်ရှိသလဲ။
ဖြေ။ ။ ကျွန်တော် မသိဘူး။ သူ့မှာ ဘာရည်ရွယ်ချက်ရှိမလဲလို့ ကျွန်တော် မပြောနိုင်ဘူး။ သူဟာ သဘာဝပေါက်ပင်ပါ။ သူ့အလိုအလျောက်ပေါက်လာတယ်၊ ပြီး သူ့အလိုအလျောက်ပဲ ပွင့်လာခဲ့တယ်။
မေး။ ။ သူ့ဖြစ်စဉ်ဟာ ဘာလဲ။
ဖြေ။ ။ သူဟာ မျိုးစေ့လေးတစ်စေ့ဘဝကနေ အပွင့်ကလေးတစ်ပွင့် ပွင့်လာတယ်။ ပြီးတော့ အချိန်တန်ရင် အဲဒီအပွင့်ကလေး ကြွေသွားတာပါပဲ။
မေး။ ။ အချိန်တန်ရင်ဆိုတာ ဘာကိုရည်ညွှန်းတာလဲ။
ဖြေ။ ။ သူဆက်လက်ရှင်သန်ဖို့ တာဝန်ပြီးဆုံးသွားပြီလို့ ဆိုလိုတာပါ။
မေး။ ။ သူဟာ မျိုးဆက်ပြန့်ပွားနိုင်သလား။
ဖြေ။ ။ ဟုတ်ကဲ့။ သူဟာ မျိုးဆက်ပြန့်ပွားနိုင်ပါတယ်။

(B)
မေး။ ။ ဒါဟာဘာလဲ။
ဖြေ။ ။ ဒါဟာ စာအုပ်တစ်အုပ်ပါ။
မေး။ ။ သူရော မျိုးဆက်ပြန့်ပွားနိုင်သလား။
ဖြေ။ ။ ဟုတ်ကဲ့။ မျိုးဆက်ပြန့်ပွားနိုင်ပါတယ်။ သူဟာ (လုံလောက်တဲ့ အခြေအနေရှိရင်) ချိုမြိန်တဲ့မြို့ကြီးတွေကို မျိုးဆက်ပြန့်ပွားစေနိုင်ပါတယ်။
မေး။ ။ သူ့ရဲ့ အသုံးဝင်မှုက ဘာလဲ။
ဖြေ။ ။ သူဟာ တောင်များကို ရွေ့စေနိုင်ပါတယ်။ ကြယ်တာရာများကို ညှို့ငင်ထားနိုင်စွမ်းပါတယ်။ မုန်တိုင်းကို နဖားကြိုး ထိုးထားနိုင်ပါတယ်။ ကန္တာရမှာ သစ်တောကြီးတွေ ပေါက်လာစေပါတယ်။
မေး။ ။ တောင်၊ ကြယ်တာရာ၊ မုန်တိုင်း၊ ကန္တာရနဲ့ သစ်တောဆိုတာတွေကို ဘယ်မှာ တွေ့နိုင်မလဲ။
ဖြေ။ ။ စာအုပ်ထဲမှာ တွေ့နိုင်ပါတယ်။
မေး။ ။ စာအုပ်ကို စားသောက်လို့ရလား။
ဖြေ။ ။ ပိုးဟပ်နဲ့ ခြကလွဲလို့ ဘယ်သူမှ စာအုပ်ကို စားသောက်လို့မရပါ။
မေး။ ။ အဲဒီ စာအုပ်ဟာ အလေးချိန်ဘယ်လောက်ရှိသလဲ။
ဖြေ။ ။ ရှစ်အောင်စပါ။

(C)
မေး။ ။ ဟိုဟာ ဘာဖြစ်နေတာလဲ။
ဖြေ။ ။ လူတစ်ယောက် ငိုနေတာပါ။
မေး။ ။ သူဘာတာဝန်ကို ထမ်းဆောင်နေတာလဲ။
ဖြေ။ ။ သူ…သူ့ကြေကွဲမှုကို ထုတ်ဖော်နေတာပါ။
မေး။ ။ ထူးခြားတဲ့အသံလှိုင်းကို သူဘယ်လိုရသလဲ။
ဖြေ။ ။ သူ့ကြေကွဲမှုက တစ်ဆင့်ရပါတယ်။
မေး။ ။ ကြေကွဲမှုကို ဘယ်စက်ရုံက ထုတ်လုပ်သလဲ။ သူ့ရဲ့ ဖော်မြူလာကိုပြောပြပါ။
ဖြေ။ ။ ကြေကွဲမှုကို စက်ရုံတွေက ထုတ်လုပ်ဖို့ ဘယ်တုန်းကမှ အစီအစဉ်မရှိကြပါဘူး။ ကြေကွဲမှုဆိုတာ ဆိုးဝါးတဲ့ စိတ်ခံစားချက်တစ်မျိုးပါ။ သူ့ရဲ့ ဖော်မြူလာကို မပြောပြနိုင်တာဟာ ကြေကွဲစရာပါပဲ။
မေး။ ။ သူဟာ မျိုးဆက်ပြန့်ပွားနိုင်သလား။
ဖြေ။ ။ တိကျတဲ့ မှတ်တမ်းမှတ်ရာ မရှိပါ။
မေး။ ။ ကြေကွဲမှုဟာ စုစုပေါင်းအလေးချိန် ဘယ်လောက်ရှိသလဲ။
ဖြေ။ ။ တိကျတဲ့ မှတ်တမ်းမှတ်ရာ မရှိပါ။

(D)
မေး။ ။ ဒါဟာဘာလဲ။
ဖြေ။ ။ သေနတ်တစ်လက်ပါ။ (ကျွန်တော် ကျည်ဆံထည့်ထားတယ်)
မေး။ ။ သူ့မှာ ဘာရည်ရွယ်ချက်ရှိသလဲ။
ဖြေ။ ။ သူဟာ သက်ရှိတွေကို သက်မဲ့ဖြစ်စေတယ်။
မေး။ ။ စွမ်းအင် အသွင်ပြောင်းလဲခြင်း ဖြစ်စေတာလား။
ဖြေ။ ။ ဟုတ်ကဲ့။ စွမ်းအင် အသွင်ပြောင်းလဲခြင်း ဖြစ်စေပါတယ်။
မေး။ ။ သူကရော မျိုးဆက်ပြန့်ပွားနိုင်သလား။
ဖြေ။ ။ ဟုတ်ကဲ့။ မျိုးဆက်ပြန့်ပွားနိုင်ပါတယ်။ ကမ္ဘာသမိုင်းမှာ အမည်အမျိုးမျိုးနဲ့ ထင်ရှားတဲ့စစ်ပွဲကြီးတွေဟာ သူ့ရဲ့ မျိုးဆက်ပြန့်ပွားမှုပေါ့။
မေး။ ။ သူ့ကို ဖန်တီးထုတ်လုပ်ထားတဲ့ သတ္ထုအမျိုးအစားကို ပြောပြပါ။
ဖြေ။ ။ ကြေးဝါနဲ့ သံမဏိပါ။

(E)
မေး။ ။ ဒါဟာဘာလဲ။
ဖြေ။ ။ ငွေစက္ကူပါ။
မေး။ ။ သူဟာ သီးပွင့်နိုင်ပါသလား။
ဖြေ။ ။ ဟုတ်ကဲ့။ သီးပွင့်နိုင်ပါတယ်။ ဒုက္ခတရားနဲ့ ပျော်ရွှင်မှုဟာ သူ့ရဲ့ အသီးအပွင့်တွေပေါ့။
မေး။ ။ သူဟာ အစာစားသလား။
ဖြေ။ ။ ဟုတ်ကဲ့။ စားပါတယ်။ ချွေးစက်နဲ့ တွေးခေါ်မျှော်မြင်မှုကို သူစားသုံးပါတယ်။
မေး။ ။ သူဘယ်လို အစာချက်သလဲ။ ကလိုရိုဖီးကတစ်ဆင့် ချက်လုပ်သလား။ အစာအိမ်က ချက်လုပ်သလား။
ဖြေ။ ။ သူဟာ တိတ်ဆိတ်တဲ့ အမိန့်တစ်မျိုးပေးပြီး အစာကို ချက်လုပ်ပါတယ်။
မေး။ ။ သူ့ရဲ့ ထင်ရှားတဲ့ဂုဏ်သတ္တိကို ပြောပြပါ။
ဖြေ။ ။ သူဟာ မိုက်မဲစေပါတယ်။ မိုက်မဲသူကိုလည်း ယဉ်ကျေးစေပါတယ်။ ကိုယ်တိုင်မီးလောင်ပြီး မီးလောင်ခြင်းကို အားပေးပါတယ်။
မေး။ ။ သူကရော မျိုးဆက်ပြန့်ပွားနိုင်သလား။
ဖြေ။ ။ ဟုတ်ကဲ့။ မျိုးဆက်ပြန့်ပွားနိုင်ပါတယ်။ ဘဏ်တိုက်ကြီးတွေနဲ့ ကြွေးစာရင်းတွေဟာ သူ့ရဲ့မျိုးဆက်ပြန့်ပွားမှုပါ။

(F)
မေး။ ။ ဒါဟာဘာလဲ။
ဖြေ။ ။ ဖောင်တိန်တစ်လက်ပါ။
မေး။ ။ သူဘာတာဝန်ကို ထမ်းဆောင်သလဲ။
ဖြေ။ ။ လူတစ်ယောက်ရဲ့ ဦးခေါင်းကို လူတစ်ယောက်ရဲ့ ဦးခေါင်းနဲ့ ဆက်သွယ်ပေးပါတယ်။
မေး။ ။ သူ့ရဲ့ဖွဲ့စည်းပုံကို ရှင်းပြပါ။
ဖြေ။ ။ ချွန်ထက်တဲ့ သတ္တုထိပ်ဖျားရှိပြီး အထဲမှာ ဉာဏ်ပညာမြစ် စီးဆင်းနေပါတယ်။ အဖုံးမှာ ချိတ်တစ်ခု ပါရှိတယ်။
မေး။ ။ သူ့ရဲ့ တန်ဖိုးကို ပြောပါ။
ဖြေ။ ။ နယူးယောက်မြို့ကြီးနဲ့ တန်ဖိုးချင်း ညီမျှပါတယ်။
မေး။ ။ သူ့ကို အသုံပြုပုံကို ပြောပြပါ။
ဖြေ။ ။ အရွေ့ စွမ်းအင်ကနေ ဘာသာဗေဒအဖြစ် ကူးပြောင်းရာမှာ သူ့ကို အသုံးပြုကြပါတယ်။

(G)
မေး။ ။ ခင်ဗျား ဘယ်သူလဲ။
ဖြေ။ ။ ကျွန်တော် ကဗျာဆရာပါ။